«Манчестер Юнайтед» басшысы клубтың 150 жылдығына чемпиондықты көздеп отыр

United We Stand басылымының хабарлауынша, «Манчестер Юнайтедтің» атқарушы директоры Омар Беррада 2028 жылы клубтың 150 жылдық мерейтойына орай ерлер мен әйелдер командаларын чемпиондыққа жеткізу мақсатын ұстанып отыр.

Өткен жылдың күзінде қызметкерлерге алғаш рет таныстырылған «150 жоба» — белгілі бір уақыт аралығындағы мақсаттар жиынтығы. «2028 жылға дейін чемпиондық атағын жеңіп ала аламыз ба? Әрине. Қазір біз 15-ші орындамыз, бұл мақсат мүмкін емес сияқты көрінеді, бірақ неге оған ұмтылмасқа?» — дейді Беррада.

47 жастағы басшы «Барселонаның» үш жыл ішінде алтыншы орыннан Чемпиондар лигасының жеңімпазы атануына дейінгі жолын мысалға келтіреді. 50 миллион фунт тұратын Каррингтондағы жаттығу базасын жаңғырту қойылған мақсаттарға жетуге көмектесуі тиіс.

Беррада бас бапкер Рубен Аморим мен Пеп Гвардиоланың арасында ұқсастық бар екенін атап өтті: «Пептің бірінші жылы қиын болды. Ол ештеңе ұтып ала алмады және көпшілік оның Премьер-лигадағы футбол көзқарасын жүзеге асыра алатынына күмәнданды. Мен Аморимнің жағдайында ұқсас белгілерді көремін».