Manchester United әлемдегі ең қымбат екінші футбол клубы атанды

Forbes мәліметі бойынша, Manchester United әлемдегі ең қымбат футбол клубтарының рейтингінде екінші орынға ие болды — оның құны 6,6 миллиард доллар, ал 2023-24 маусымындағы табысы 834 миллион долларды құрады.

Премьер-лигада 15-ші орын алып, Еуропа Лигасының финалында жеңілгеніне қарамастан — клуб құны 1%-ға өсті. Рубен Аморимнің командасы келесі жылы еурокубоктарға қатыспайды.

Сэр Джим Рэтклифф клубтың миноритарлық иесі болғаннан кейін, қызметкерлерді жаппай қысқарту басталды — өткен жазда 250 қызметкер жұмысынан айырылса, биылғы жазда тағы 200 адамды жұмыстан шығару жоспарлануда.

• Real Madrid 6,75 миллиард доллар құнымен рейтингті басқарды
• Barcelona үшінші орынға ие болды
• Liverpool 5,4 миллиард бағалаумен төртінші орынға жайғасты
• Manchester City 5,3 миллиард құнымен бесінші орынды иеленді

Наурыз айында клуб Old Trafford орнында салынатын 2 миллиард фунт құны бар жаңа стадион жобасын ұсынды.