«Манчестер Сити» жұлдызы Джек Грилиш Өзбекстан құрамасының футболшысын үйленуімен құттықтады

Upl.uz хабарлағандай, Өзбекстан құрамасының қорғаушысы Абдукодир Хусановтың үйлену тойы әлеуметтік желілерде кең талқыланды — футболшыны атақты әріптестері құттықтады.

Хуса, мен Джекпін! Үйлену тойың құтты болсын, саған бар жақсылықты тілеймін

«Манчестер Ситидегі» командаласы Джек Грилиш жас жұбайларға арнайы бейнеүндеу жазып, осылай құттықтады.

Ағылшын клубындағы өзбек футболшының жақын досы Витор Рейс те Хусановқа жылы лебізін білдірді. Құттықтаушылар қатарына қорғаушының бұрынғы француз «Ланс» командасындағы серіктестері мен той қонағы болған Өзбекстан ұлттық құрамасының мүшелері де қосылды.