Манчестер Сити қысқы трансфер терезесінде рекордтық сумма жұмсады

Football Transfers мәліметі бойынша, Премьер-лига клубтары қысқы трансфер терезесінде шамамен 370 миллион фунт жұмсады. Бұл өткен жылғы 100 миллионнан әлдеқайда көп бірақ 2023 жылғы 815 миллион рекордынан әлі де төмен.

«Манчестер Сити» Пеп Гвардиоланың басшылығымен ең көп қаражат жұмсаған клуб болды: клуб шамамен 180 миллион фунт жұмсады (бұл 2023 жылғы «Челсиден» кейінгі қысқы терезелердегі екінші нәтиже). Командаға келгендер:

• Омар Мармуш «Айнтрахттан» 59 млн-ға
• Витор Рейс «Палмейрастан» 29.6 млн-ға
• Абдукодир Хусанов «Ланстан» 33.6 млн-ға
• Нико Гонсалес «Портудан» 50 млн-ға

«Қаржылық тұрғыдан Сити өте мықты позицияда тұр» — деді футбол қаржысының сарапшысы Киран Магуайр BBC Radio 5 Live эфирінде.

Қызықты жайт бұл терезедегі трансферлердің көпшілігі жас ойыншылармен байланысты болды. Жаңа ойыншылардың орташа жасы небәрі 20.5 жас. Мысалы Борнмут 19 жастағы Хулио Солер мен 18 жастағы Матаи Акинмбониді ал Брайтон 19-дан 23 жасқа дейінгі үш ойыншыны сатып алды.

Атап өтерлігі АПЛ клубтары арасында мәмілелер саны өте аз болды. Дедлайн күні тек Бен Чилвелл «Челсиден» «Кристал Пэласқа» және Эван Фергюсон «Брайтоннан» «Вест Хэмге» ауысты — екеуі де жалға алу негізінде.

«Манчестер Юнайтед» тыныш трансфер терезесін өткізді тек екі ойыншыны қосты: 20 жастағы қорғаушы Патрик Доргуды 25 миллион фунтқа және «Арсеналдан» 18 жастағы Айден Хэвенді. Сонымен қатар командадан Антони («Реал Бетиске» жалға) және Маркус Рашфорд («Астон Виллаға» жалға) кетті.