Манчестер Сити де Брюйненің құрметіне стадион маңына ескерткіш орнатады

BBC хабарлауынша, Кевин де Брюйне «Манчестер Сити» сапындағы соңғы үй ойынын өткізді — команда Премьер-лиганың 37-ші турында «Борнмутты» 3:1 есебімен жеңді.

Клуб басшылығы бельгиялық жартылай қорғаушының құрметіне «Этихад Стэдиум» маңына ескерткіш орнату туралы шешім қабылдады.

«Стадион толы жанкүйерлер менімен және отбасыммен қоштасуға келді — бұл өзі көп нәрсені аңғартады. 50 000 адамның қоштасуға келуі — бұл керемет оқиға», — деді де Брюйне.

«Ескерткіш менің осы клубтың мәңгілік бөлшегі болып қалатынымды білдіреді. Балаларыммен, отбасыммен немесе достарыммен қашан келсем де — өзімді стадион жанынан көре аламын», — деп атап өтті жартылай қорғаушы.

Клубта он жыл өткізген де Брюйне команданың жарқын болашағына сенім білдірді — ол жанкүйерлерді келесі маусымда «қалалықтарды» барлық трофейлер үшін күресте қолдауды жалғастыруға шақырды.