Манчестер Сити Челсидің қақпашысы Беттинеллимен келісімшарт жасасты

Маркус Беттинелли Манчестер Ситидің жаңа ойыншысы атанды — ағылшын қақпашысы Челсиден символдық сомаға ауысты.

33 жастағы қақпашымен келісімшарт 2026 жылға дейін жасалды — ол маусым айының соңында клубтан кететін Скотт Карсонның орнын басады. Беттинелли «қалалықтардың» Вулверхэмптоннан 31 миллион фунтқа ауысқан сол жақ қорғаушы Райан Эйр-Нуриден кейінгі екінші жазғы трансфері болды.

«Сити клубымен келісімшарт жасасу мен үшін үлкен мәртебе. Мен Пеп Гвардиоланың кезіндегі клубтың жетістіктеріне таңданатынмын және енді осы табыстың бір бөлігі болатыныма қуаныштымын. Пеппен, Хаби Манcисидормен және басқа қақпашылармен жұмыс істеуді асыға күтемін», — деді Беттинелли.

Қақпашы 2021 жылы ауысқан Челсиде бір ғана ойын өткізді. Беттинеллидің командамен бірге АҚШ-тағы клубтық әлем чемпионатына баратыны күтілуде.