Малкин Сундинді басып озып, НХЛ-дің үздік 30 сұрмергенінің қатарына енді

Quant Hockey мәліметтері бойынша, Евгений Малкин Ұлттық хоккей лигасында тағы бір тарихи межеге жетті — ресейлік шабуылшы үздік сұрмергендер тізімінде 30-орынға көтерілді.

«Питтсбург» шабуылшысы «Айлендерспен» матчта үш нәтижелі пас берді — ойын 4:3 есебімен аяқталды. Ағымдағы маусымда 39 жастағы хоккейшінің еншісінде екі кездесуде 5 нәтижелі пас бар, ал оның тұрақты чемпионаттардағы жалпы көрсеткіші 1351 ұпайға жетті.

Ресейлік хоккейші 1349 ұпайы бар Матс Сундинді басып озып, қазір Ги Лефлер (1353) мен Брендан Шенахан (1354) арасында тұр. Жақын қуып келе жатқандардың арасында — «Детройттің» шабуылшысы Патрик Кэйн 1344 ұпаймен.

НХЛ-дің еуропалық сұрмергендері тізімінде Малкин бесінші орынға ие болды. Алдыңғы орындарда:

• Яромир Ягр (Чехия) — 1921 ұпай
• Александр Овечкин (Ресей) — 1623 ұпай
• Теему Селянне (Финляндия) — 1457 ұпай
• Яри Курри (Финляндия) — 1398 ұпай