Максим Самородовтың командасы жоғарғы дивизионда қалу үшін ойын өткізеді

Бүгін, 28 мамыр күні Екатеринбургтің «Урал» және Грозныйдың «Ахмат» командалары арасында Ресей Премьер-Лигасына (РПЛ) жолдама беретін алғашқы плей-офф кездесуі өтеді, деп хабарлайды Sport12.kz

Ойын Екатеринбург қаласындағы «Екатеринбург Арена» стадионында өтеді және Қазақстан уақытымен 19:00-де басталады.

Жауапты ойын 31 мамыр, сенбі күні Грозныйда өтеді.

2024/25 жылғы маусым қорытындысы бойынша, «Ахмат» РПЛ-да 14-орынға тұрақтаса, «Урал» Ресейдің Бірінші лигасында 4-орын алған.

Айта кетейік, «Ахмат» сапында Қазақстан құрамасының шабуылшысы Максим Самородов өнер көрсетеді. Өткен маусымда ол Ресей Премьер-Лигасында 24 матч өткізіп, 6 гол соқты және 4 нәтижелі пас берді.