Максим Самородов «Ахматтың» «Локомотивпен» өткен матчында көзге түсті

«Flashscore.com» мәліметінше, қазақстандық шабуылшы Максим Самородов «Ахматтың» Мәскеудің «Локомотивіне» қарсы матчында тамаша ойын көрсетті. Кездесу 1:1 есебімен аяқталды.

Грозный клубының шабуылшысы бастапқы құрамда алаңға шығып, 40-шы минутта гол соқты. Самородов матчтың 89-шы минутына дейін ойынға қатысып, команданың шабуылына айтарлықтай үлес қосты.

Статистикалық портал қазақстандық футболшының өнерін 7,3 баллмен бағалады. Бұл нәтиже Самородовқа команданың үздік ойыншылары тізімінде үшінші орын алуға мүмкіндік берді.

Кездесудің фавориті саналған «Локомотив» 20 турдан кейін 37 ұпаймен турнир кестесінде төртінші орында тұрса, «Ахмат» 17 ұпаймен 14-ші орында орналасқан.