Макдэвид НХЛ тарихында 100 пас беру көрсеткішіне екінші жылдам жеткен ойыншы атанды

НХЛ баспасөз қызметінің хабарлауынша, «Эдмонтон» капитаны Коннор Макдэвид маңызды межеге жетті — шабуылшы плей-оффта жүзінші нәтижелі пасын берді.

Батыс конференциясының финалдық сериясының бесінші матчында «Далласқа» қарсы канадалық шабуылшы гол соғып, пас берді — оның командасы 6:3 есебімен жеңіске жетіп, серияны 4-1 есебімен жеңді.

Стэнли Кубогының ағымдағы додасында Макдэвид әсерлі нәтиже көрсетуде — 16 ойында 26 ұпай жинап, пайдалылық көрсеткіші «+10» болып, мергендер тізімін басқарып келеді.

Мансабындағы плей-офф 90 матчында шабуылшы 143 ұпай жинады, оның ішінде 43 гол мен 100 пас бар — 100 пас көрсеткішіне аңызға айналған Уэйн Гретцки ғана жылдамырақ жетті, оған 70 ойын қажет болды.