«MAJESTY» командасының бұрынғы ойыншысы келісілген матчтар туралы айтты

«MAJESTY» командасының бұрынғы ойыншысы Даниил Бакин (nat1ve) команда сапында ойнаған кезінде Игорь Ждановтың (w0nderful) келісілген матчтарға қатысы бар екенін мәлімдеді.

YouTube-тің «CS2 ШОРТЫ РАЙЗА» арнасына берген сұхбатында, қазір екі жылдық дисквалификациясын өтеп жатқан Бакин, ережені бұзғаны үшін ойыншыларға әртүрлі көзқарас танытылатынын сынға алды.

«Маған тір-1 ұйымының ойыншыларына көп нәрсе кешіріліп жатқаны ұнамайды. Егер бізді жазаласа, оларды неге жазаламайды? Біз бәріміз бір қайықта отырдық», — деді Бакин.

Киберспортшының айтуынша, оған ESIC тарапынан «иммунитет» ұсынылған, бірақ ол бас тартқан. Соның нәтижесінде дисквалификация алды, ал кейбір қатысушылар жазадан құтылып кеткен.

2024 жылдың қарашасында ESIC «MAJESTY» командасына тергеу жүргізіп, матчтарды талдау және ставкалар үлгілерін зерттеу нәтижесінде құрамның көпшілігі дисквалификация алған болатын.