Мәдениет министрі «Морекамб» иесін футбол клубын сатуға шақырды

BBC Radio Lancashire хабарлауынша, мәдениет министрі Лиза Нэнди «Морекамб» иесі Джейсон Уиттингемге ашық хат жолдап — клубты сатуға шұғыл түрде шақырды.

Ұлттық лига ережелерге сәйкес келмеуіне байланысты «Морекамбтың» мүшелігін тоқтатты, ал әлеуетті сатып алушы Panjab Warriors миноритарлық акционерлермен бірлесіп — иесі ауыспаса, клуб таяу күндері жабылатынын мәлімдеді.

«Морекамбтың жағдайы сын-қатерлі және жүрек ауыртады. Сіздің әрекет етіп, келіссөз үстеліне отыруыңыз өте маңызды», — деп атап өтті Нэнди.

Клуб академиясының менеджері Нил Уэйнрайт жастар жүйесінің жағдайын түсіндірді — ол жабылған жоқ, тек 20 тамыздағы лицензиялау комитетінің отырысына дейін үзіліс жасап тұр.

«Клуб сатылғанға немесе жағдай анықталғанға дейін қызметімізді тоқтата тұрдық. Көпшілік академия жабылды деп ойлап, ойыншылар туралы сұрап хабарласуда. Бірақ біз әлі де клубтың сатылуына және қалыпты жұмысқа оралуға үміттенеміз», — деді Уэйнрайт.