Мадрид 44 жылдан кейін Формула-1 жарысын қабылдауға дайындалуда

Formula1.com мәліметінше, Мадрид 44 жылдық үзілістен кейін Формула-1 күнтізбесіне оралады — жаңа қалалық «Мадринг» трассасы 2026 жылы алғашқы жарысты қабылдайды.

1991 жылдан бері Испания Гран-приін өткізіп келе жатқан Барселонамен келісімшарт әлі күшінде болса да, каталондық кезеңнің болашағы белгісіз күйінде қалып отыр. Формула-1 басшылығы инфрақұрылым мен қозғалысты ұйымдастыруға айтарлықтай инвестиция салуды талап етуде, бірақ әзірге жауап жоқ.

Екі дүркін әлем чемпионы Фернандо Алонсо Барселонадағы жарыстың сақталатынына сенімділік білдірді:

«Формула-1 мен Барселона тығыз байланысты. Командалар ондаған жылдар бойы осы трассаны сынақтар үшін таңдап келеді. Барселона күнтізбеде тағы 30-40 жыл болады, ал кейбір жаңа кезеңдер пайда болып, жоғалып кетеді»

Ұзындығы 5,4 шақырым жаңа «Мадринг» трассасында 22 бұрылыс және 589 метрлік түзу жол бар. Мадридтің тумасы және жаңа Гран-придің елшісі Карлос Сайнс ынтамен атап өтті:

«Мадридтің қала ретінде үлкен әлеуеті бар және мен жарыстың сәтті өтетініне сенімдімін»