Мұхамедсабыр Базарбайұлы Таиландта кәсіпқой бокстағы дебютін өткізеді

2025 жылдың 1 ақпанында Таиланд астанасы Бангкокта қазақстандық боксшылардың қатысуымен бокс кеші өтеді, — деп хабарлайды Бірінші бол.

Атап айтсақ, Irfin Promotions промоутерлік компаниясының өкілдері Елшат Нығметолла (20-0-1, 7 КО)  пен Руслан Мәдиев (16-2, 6 КО)  титулдық жекпе-жекке шығады.

Сондай-ақ осы компаниямен жұмыс істеп жатқан тағы екі боксшы рейтингтік жекпе-жектер өткізеді.

Елшат Нығметолла — Фласидус Нуно (10-1-2, 8 КО), Индонезия

Нұрдос Төлебай — Амирхоссейн Арзи (2-0, 2 КО), Иран

Армат Арманұлы — Хаб Ур Рехман (6-1, 5 КО), Пәкістан

Руслан Мәдиевке келетін болсақ, әзірге қарсыласы белгісіз.

Сондай-ақ биыл Париж Олимпиадасына қатысқан Мұхамедсабыр Базарбайұлы да кәсіпқой бокстағы дебютін жасайды деген жоспар бар.  22 жастағы отандасымыздың қарсыласы әзірге белгісіз.

Базарбайұлы – биыл Париждегі Олимпиада ойындарында ширек финалға дейін жетті.