Люси Бронз Еуро-2025-те сынған аяғымен ойнағанын айтты

BBC хабарлағандай, осы сенбіде Англия әйелдер құрамасының ең титулды футболшысы Люси Бронздың қатысуымен «The Football Interview» жаңа шоуы басталады.

Ұлттық құрама үшін 140 матч өткізген 33 жастағы қорғаушы сынған аяғымен өткізген Еуро-2025-тегі жеңісі туралы әңгімеледі.

«Мен тек ауырғанымды білдім. Осындай күйде бір айға жуық болдым және себебін түсіне алмадым. Құрама дәрігері мұны білген кезде тексеруді талап етті. Адамдар неге жаттықпайтынымды сұрағанда, мен — аяғым сынған, бірақ алаңдамаңыздар, ойнаймын деп жауап бердім», — деді Бронз.

Сұхбатта спортшы өзінің аутизмі туралы да айтты:

«Бұл мен үшін өзімнің бір бөлігім. Дәл осы аутизмнің арқасында мен үздік футболшы болдым», — деді Бронз.

Клубтық деңгейде Бронз Чемпиондар лигасын бес рет және Англия чемпионатын төрт рет жеңген. Өткен маусымда ол «Челси» құрамында ұлттық треблды жеңіп алды.