Люк Уилкшир: Черчесов «Динамо» үшін лайықты үміткер емес

Мәскеу «Динамосының» бұрынғы қорғаушысы Люк Уилкшир клубтың бас бапкер лауазымына Станислав Черчесовтың мүмкін тағайындалуына қарсы пікір білдірді, деп хабарлайды РБ Спорт.

«Жоқ. Маған бұл нұсқа ұнамайды. «Динамода» өте талантты жастар жиналған, олардың легионерлермен жақсы үйлесімі бар. Черчесов – ескі мектептің өкілі, жаңа буынмен жұмыс істеу, оларды түсіну жағынан қиындықтар туындайтыны анық», — деді австралиялық маман.

Еске салайық, Марцел Личка қызметінен кеткеннен кейін клуб жаңа бас бапкер іздеуде. Үміткерлер арасында Қазақстан құрамасының бұрынғы жаттықтырушысы Станислав Черчесов те бар.