Льюис Хэмилтон өнер үшін суперкарлар жинағынан бас тартты

Формула-1 жеті дүркін чемпионы Льюис Хэмилтон өзінің әсерлі көлік жинағын толығымен сатқанын мәлімдеді — енді жарыс жүргізушісі өнер туындыларын жинаумен әуестенеді.

«Менде көліктер жоқ, бәрінен құтылдым. Қазір мен өнерге көбірек қызығамын. Егер көлік сатып алуды ойласам, ол F40 болар еді. Бірақ ол өзі — өнер туындысы», — деді Хэмилтон.

Бұрын британдық пилоттың Монако мен Лос-Анджелестегі жеке гараждарында орналасқан сирек кездесетін және қымбат көліктердің жалпы құны шамамен 13 миллион фунт стерлингті құраған.

Жинақта мыналар болған:

• Pagani Zonda 760 LH
• Mercedes-AMG Project One
• Ferrari LaFerrari
• McLaren P1
• Mercedes-AMG G63 6×6
• 1966 Shelby Cobra 427
• 1995 McLaren F1
• Mercedes EQC

Көліктерден бас тартқанына қарамастан, Хэмилтон мотоциклдерге деген қызығушылығын сақтап қалды — жарысшыны жиі Ducati Panigale V4 S және MV Agusta F4 LH44 мотоциклдерінде көруге болады. Алдағы жылдары пилот аңызға айналған F40 негізінде өзінің Ferrari нұсқасын — F44 үлгісін жасауды жоспарлап отыр.