Луис Суарес MLS-те түкіргені үшін қосымша жазаға тартылды

«Интер Майами» шабуылшысы Луис Суарес Major League Soccer тарапынан қосымша үш ойындық жазаға тартылды — футболшы «Сиэтл Саундерс» қызметкеріне түкірген.

Бұған дейін Лигалар кубогының Тәртіптік комитеті Суареске алты ойындық жаза тағайындаған болатын — бұл жаза турнирдің келесі маусымдарында қолданылады. Енді уругвайлық тұрақты чемпионат аясында «Шарлотт», «Ди Си Юнайтед» және «Сиэтлмен» ойындарды өткізіп алады.

Оқиға Лигалар кубогының финалында «Интер Майами» 0:3 есебімен жеңілген матчтан кейін орын алды — Суарес қарсыластың жартылай қорғаушысы Обед Варгасты ұстап, содан кейін қауіпсіздік қызметінің директоры Джин Рамиреске түкірген.

«Бұл қатты шиеленіс пен көңіл қалу сәті болды, матчтан кейін болмауы керек нәрселер орын алды. Бірақ бұл менің әрекетімді ақтамайды. Мен қате жібердім және шын жүректен кешірім сұраймын» — деп жазды Суарес Instagram-да.