Луис Энрике клубтық әлем чемпионатындағы алаңдардың сапасын сынға алды

«Пари Сен-Жермен» клубының бас бапкері Луис Энрике АҚШ-тағы клубтық әлем чемпионатындағы футбол алаңдарының сапасын сынға алды, деп хабарлайды BBC Sport.

«Сиэтл Саундерс» командасын 2:0 есебімен жеңгеннен кейін испандық маман — «Люмен Филд» стадионындағы уақытша гибридті шөптің қанағатсыз жағдайын атап өтті.

«Мен НБА-дағы баскетбол алаңының шұңқырлы болғанын елестете алмаймын. Доп қоян секілді секіреді», — деді Энрике.

«Реал Мадрид» жартылай қорғаушысы Джуд Беллингем де сынға қосылып — алаңдардың жағдайы доптың серпілісіне теріс әсер етіп, футболшылардың тізесіне қосымша салмақ түсіретінін алға тартты.

«Люмен Филд» қоса бес стадион 2026 жылғы әлем чемпионатында пайдаланылады — ФИФА турнир талаптарына сәйкес жасанды төсенішті табиғи шөпке ауыстыруды жоспарлап отыр.