Лука Модрич «Суонси Сити» клубының акционері атануы мүмкін

Британдық БАҚ таратқан мәліметтерге сәйкес, «Реал Мадрид» пен Хорватия құрамасының тәжірибелі жартылай қорғаушысы Лука Модрич «Суонси Сити» клубының миноритарлық акционері болуға дайындалуда.

39 жастағы футболшы клубтың қазіргі иелері — Энди Коулман, Бретт Краватт, Найджел Моррис және Джейсон Коэн сияқты инвесторлар тобына қосылмақ. Аталған топ жарты жыл бұрын клубтың негізгі акцияларын сатып алған болатын.

Модрич үшін бұл – футболдан кейінгі мансап жолындағы алғашқы инвестициялық қадам болмақ. Дегенмен, ол маусым соңына дейін «Реал Мадрид» сапында ойын көрсетуін жалғастырады.

Чемпионшипте өнер көрсететін «Суонси Сити» қазір қаржылық қиын кезеңді бастан өткеруде:

• Салық салынғанға дейінгі шығын – 15,2 миллион фунт стерлинг
• Клубтың жалпы айналымы – 21,5 миллион фунт
• Стадион мен жаттығу инфрақұрылымына кететін шығындар үнемі өсіп келеді

«Клуб негізгі құрамға барынша инвестиция салу үшін операциялық тиімділікті арттыру бағытындағы жұмыстарды жалғастырады», – делінген «Суонси Сити» клубының ресми мәлімдемесінде.

Біздің парақшамыздан футбол матчтарының барлық нәтижелерін Live форматта бірінші болып біліңіз!