Луис Энрике: «Бұл жеңіс бізге сенімділік береді, бірақ алда қиын жауап ойыны тұр»

BBC мәліметінше, Пари Сен-Жерменнің бас бапкері Луис Энрике Чемпиондар лигасының ширек финалындағы «Астон Виллаға» қарсы 3:1 есебімен жеткен жеңіске байланысты пікір білдірді.

«Қарсылас бізге қабылдауы қиын гол соқты, бірақ ең бастысы – біз матчты жеңуіміз керек болды. Ал соңғы минуттағы үшінші гол — біздің өзімізге деген сеніміміз үшін өте маңызды. Енді екінші ойын туралы ойлау керек. Ол, әрине, оңай болмайды», — деді Энрике.

Испандық маман командасының шабуылдаушы әлеуетін де атап өтті:

«Өзіңе сену — басты фактор. Үш гол да жоғары деңгейде орындалды. Біз нәтижеге өте қуаныштымыз. Қайтару матчында да осындай ойын көрсетуге тырысамыз – бұл біздің футбол философиямыз».

Сонымен қатар, бапкер ойыншылар мен жанкүйерлерге алғысын жеткізді:

«Командадағы барлық ойыншылар – шебер әрі амбициялы. Біз әр матчты жеңуге тырысамыз. Жанкүйерлеріміздің қолдауы да ерекше болды. Бүгін біз үшін сәтті күн болды».

ПСЖ бұл матчта толық басымдыққа ие болды — команда қарсылас қақпасына 30 соққы жасап, допты 68 пайыз уақыт иеленді.

Біздің парақшамыздан футбол матчтарының барлық нәтижелерін Live форматта бірінші болып біліңіз!