Локомотив басшылығы Тикнизянның клубтан кету ниетіне пікір білдірді

Мәскеулік «Локомотивтің» директорлар кеңесінің мүшесі Валерий Филатов қорғаушы Наир Тикнизянның жағдайына қатысты пікір білдірді, деп хабарлайды Р-Спорт.

Футболшының жазғы трансфер терезесінде клубтан кету ниетін жариялағаннан кейін, теміржолшылар басшылығы ойыншыға тәртіптік шаралар қолданбауға шешім қабылдады.

«Оның эмоциялық мәлімдемесіне қалыпты қараймын. Шамасы, шешім кенеттен қабылданған. Жігіттің ішінде жиналып қалған – не айтарсың! Ол жай ғана ойын айтты», – деді Филатов.

Басшылық өкілі сондай-ақ қорғаушының чемпионаттың соңғы тур ойындарынан шеттетілмейтінін растады.