Логан Пол Мейвезер мен Тайсонның алдағы жекпе-жегін сынға алды

Логан Пол Флойд Мейвезер мен Майк Тайсон арасындағы алдағы көрсетілім жекпе-жегі туралы өз пікірін білдірді, деп хабарлайды Bloody Elbow.

«Флойд Майкпен жұдырықтасады – бұл ақылға сыймайды. Екеуі де өте қартайған. Және екеуі де Пол ағайындыларынан жеңілген. Олар тек ақша табады, чек алады», – деді Пол.

«Егер Флойд қаласа, Тайсонды үш раундта нокаутқа жібере алар еді. Бірақ ол бұны істемейді, себебі Тайсонды құрметтейді. Жекпе-жек өте зерігерлік болады – нағыз соққылар болмайды», – деп қосты блогер.

Жекпе-жек келесі жылдың көктемінде өтеді – нақты күні мен өткізілетін орны әлі анықталған жоқ. Майк Тайсон соңғы рет рингке он ай бұрын шығып, Джейк Полдан ұпай санымен жеңілсе, ал 2017 жылы кәсіби мансабын жеңіліссіз аяқтаған Флойд Мейвезер соңғы көрсетілім жекпе-жегін бір жыл бұрын өткізген.