Ливерпуль шабуылшысы Диого Жота қайтыс болды

Футбол әлемін қайғылы жаңалық дүр сілкіндірді — «Ливерпульдің» шабуылшысы Диого Жота 28 жасында өмірден озды.

«Энфилдте» өткізген бес маусымда португалиялық шабуылшы 182 матч өткізіп, 65 гол соқты — оның нәтижелілігі командаға ағылшын футболының барлық басты трофейлерін жеңіп алуға көмектесті.

2020 жылы «Ливерпульге» 41 миллион фунтқа ауысқанға дейін Жота «Вулверхэмптон» сапында табысты өнер көрсетті — 131 матчта 44 гол соқты.

Халықаралық аренада футболшы Португалия құрамасы сапында Ұлттар лигасының екі дүркін жеңімпазы атанды. Оның мансабындағы ең жарқын сәттері — «Бешикташ» қақпасына 11 минутта хет-трик соғуы және «Арсеналға» қарсы матчта әсерлі жеке голы.