«Ливерпуль» Луис Диасты сатудың шартын атады

Liverpool Echo мәліметінше, «Ливерпуль» Луис Диасты тек төтенше ұсыныс түскен жағдайда ғана сатуды қарастырмақ.

Мерсисайд клубы — колумбиялық қанатшабуылшыны команданың негізгі ойыншысы санап, онымен қоштасқысы келмейді. Өткен аптада «Ливерпуль» «Баварияның» 67,5 миллион еуролық ұсынысынан бас тартты.

Мюнхен клубы — Диасты сатып алуға жаңа әрекет жасауға дайындалуда, алайда сәтсіздік болған жағдайда «Лионның» қанатшабуылшысы Малик Фофанаға назар аударады. Сонымен қатар «Барселона» колумбиялық футболшы үшін трансфер сомасын ұлғайту мүмкіндігін қарастыруда.