Ливерпуль Диогу Жотаның қайғылы қазасынан кейінгі алғашқы матчын өткізді

«Престон Норт Энд» пен «Ливерпуль» Испаниядағы автоапатта қаза тапқан Диогу Жота мен оның бауыры Андре Силваның қазасынан кейінгі алғашқы матчын өткізді.

Достық кездесу алдында «Престон» капитаны Бен Уайтман қонақ жанкүйерлер секторының алдына гүл шоғын қойды — жанкүйерлер клубтың You’ll Never Walk Alone әнұранын және Can’t Help Falling in Love әнін орындады.

20-шы минутта трибуналар қайтадан Жотаға арналған әнді шырқады, ал «қызылдардың» гол соққан ойыншылары португал шабуылшысына құрмет көрсетті:

• Конор Брэдли бірінші голдан кейін аспанға қарады
• Дарвин Нуньес Жотаның екі дәстүрлі тойлауын қайталады
• Коди Гакпо үшінші голдан кейін 20-шы нөмірді көрсетті

«Күлгіміз келсе – күлеміз, жылағымыз келсе – жылаймыз. Біз оны әрдайым жүрегімізде және ойымызда сақтаймыз», — деді бас бапкер Арне Слот қайғылы оқиғадан кейінгі алғашқы сұхбатында.

«Ливерпуль» кеше клубтың барлық командаларында «қызылдар» үшін 182 матчта 65 гол соққан футболшының құрметіне 20-шы нөмірді айналымнан алып тастау туралы жариялады.