Ливерпуль аңыздары қайырымдылық матчында Челсиді жеңді

«Стэмфорд Бридж» стадионында өткен аңыздар матчында — Ливерпуль Челсиді 1:0 есебімен жеңді, деп хабарлайды «Челси» ресми сайты.

Үй иелерінің қақпасына жалғыз голды Райан Бабел соқты — бұл «қызылдардың» лондондықтарды жеңуі үшін жеткілікті болды.

«Челси» сапында Петр Чех, Эден Азар, Джон Терри және Диего Коста сияқты танымал футболшылар өнер көрсетті. «Көктердің» бапкерлер штабын Роберто Ди Маттео Михаэль Баллактың көмегімен басқарды.

«Ливерпуль» құрамында Хосе Рейна, Мартин Шкртел, Йосси Бенаюн және жеңіс голының авторы Райан Бабел алаңға шықты. Команданы аңызға айналған Иан Раш басқарды.

Матчты атақты лондондық стадионда нағыз дерби атмосферасын қалыптастырған 30 076 көрермен тамашалады.