«Ливерпуль» жазда құрамын күшейтуді жоспарлап отыр

BBC Sport хабарлауынша, Англия Премьер-лигасының жаңа чемпионы «Ливерпуль» жазғы трансфер кезеңінде құрамын айтарлықтай жаңартуға дайындалып жатыр.

Арне Слот өткен жазда команданы тек қақпашы Мамардашвили мен қанат шабуылшысы Кьезамен күшейтіп, титулға жеткізді. Енді спорт директоры Ричард Хьюздің жетекшілігімен клуб чемпиондық құрамды айтарлықтай нығайтуды көздеп отыр.

Қорғаныс шебінде өзгерістер күтілуде. Трент Александер-Арнольдтың «Реал Мадридке» ауысу ықтималдығы жоғары, ал Эндрю Робертсонның жасы ұлғайғандықтан, клуб сол жақ қорғаушы іздеуде. «Ливерпуль» «Борнмуттың» сол қапталдағы қорғаушысы Милош Керкезге қызығушылық танытуда. Сонымен қатар қорғау шебін күшейту үшін мына ойыншылар да қарастырылып жатыр:

• «Тоттенхэмнің» қорғаушысы Микки ван де Вен
• «Кристал Пэластың» қорғаушысы Марк Геи
• «Эвертонның» қорғаушысы Джаррад Брантуэйт

«Ливерпульдің» бұрынғы ойыншысы Дэнни Мерфи: «Қорғаныстағы басты назар сол жақ қорғаушы позициясында. Робертсонның еңбегіне күмән келтірмей-ақ, командаға бәсекелестік пен болашаққа көзқарас қажет», — деп атап өтті.

Шабуыл шебінде де өзгерістер болуы мүмкін. Дарвин Нуньестің командадан кету ықтималдығы жоғары, өйткені ол өзін толық дәлелдей алмады. Оның орнын басатын ойыншылар ретінде еркін агент атанатын «Лилльдің» шабуылшысы Джонатан Дэвид пен «Вест Хэмнің» әмбебап ойыншысы Мохаммед Кудус қарастырылып отыр.