Ливерпуль бас бапкеріне Эвертонмен дербиден кейін ауыр жаза қаупі төніп тұр

**The Telegraph** мәліметі бойынша, «Ливерпульдің» бас бапкері Арне Слот мерсисайд дербиінде алаңнан қуылғаннан кейін қатаң тәртіптік жазаға тартылуы мүмкін.

Нидерландтық маман «Эвертонмен» тең ойыннан (2:2) кейін төреші Майкл Оливермен сөзге келіп, қызыл қағаз алған болатын. Дегенмен, ол «Вулверхэмптонмен» алдағы матчта командасын басқара алады деп күтілуде.

Англияның футбол қауымдастығы (FA) айыптаудың екі нұсқасын қарастыруда. Біріншісі – стандартты санкциялар, яғни айыппұл мен шағымдануға болатын шеттету. Екіншісі – бей-стандартты талқылау, бұл бірнеше аптаға созылуы мүмкін.

Айта кетейік, желтоқсанда Слот сары қағаздардың көптігінен «Саутгемптонмен» (2:1) өткен кубок ойынын өткізіп алған болатын. Бұл факт FA-ның қатаңырақ жаза қолдану туралы шешіміне әсер етуі мүмкін.

FA сондай-ақ клубтар мен жанжалға қатысқан жеке ойыншыларға қарсы айып тағу мүмкіндігін қарастыру үшін матчтан кейінгі оқиғаның бейнежазбаларын зерттеуде.