Ливерпуль АПЛ чемпионы ретінде 40 медаль алады — оның бір бөлігі клуб таңдауы бойынша беріледі

BBC Sport мәліметінше, Англия Премьер-лигасы 2024–25 жылғы маусым қорытындысы бойынша турнир жеңімпазы — «Ливерпульге» 40 чемпиондық медаль тапсырады.

Регламентке сәйкес, чемпионатта кемінде бес матч өткізген ойыншылар медальмен міндетті түрде марапатталады. Қазіргі таңда «Ливерпульдің» 21 футболшысы бұл талапты орындады. Ал қалған 15–20 медальді клуб өз қалауы бойынша бапкерлерге, жас ойыншыларға немесе басқа қызметкерлерге тарата алады.

Чемпиондық медальдар күміспен қапталған және жұқа алтын жалатылған металдан жасалады. Олар берік әрі үнемді материалдан дайындалады. Марапатта «champions» сөзі, маусым атауы және арыстан бейнесіндегі Премьер-лига логотипі бедерленген.

Чемпиондық медаль иегерлері:

Қақпашылар:
Алиссон Бекер, Каоимин Келлехер

Қорғаушылар:
Трент Александер-Арнольд, Конор Брэдли, Вирджил ван Дейк, Ибраима Конате, Джо Гомес, Джарелл Куанса, Эндрю Робертсон, Костас Цимикас

Жартылай қорғаушылар:
Райан Гравенберх, Ватару Эндо, Алексис Мак Аллистер, Харви Эллиотт, Кертис Джонс, Доминик Собослаи

Шабуылшылар:
Мохамед Салах, Диогу Жота, Дарвин Нуньес, Луис Диас, Коди Гакпо

Бапкерлер құрамы:
Бас бапкер Арне Слот пен оның көмекшілері Сипке Хулсхофф және Джонни Хейтинга да медаль алады.

Қалған марапаттар қосалқы құрамдағы ойыншылар мен клуб персоналына берілуі мүмкін. Олардың қатарында маусымда төрт матч өткізген Федерико Кьеза да бар.