«Лионның» рекордшысы Райан Шерки «Манчестер Ситидің» ойыншысы атанды

«Манчестер Сити» бұрын «Манчестер Юнайтедке» ауысуы жайлы айтылған Райан Шеркимен келісімшартқа қол қойғанын жариялады. Еуропаның ең техникалық ойыншыларының бірі саналатын француз жартылай қорғаушы бес жылдық келісімге келді.

«Лионның» тәрбиеленушісі негізгі құрамда 16 жасында дебют жасап, 185 ойында 29 гол соғып, 45 нәтижелі пас берді. Әмбебап футболшы қанатта ойнай алады, бірақ «Наполиге» кеткен Кевин де Брюйненің орны босаған шабуылшы жартылай қорғаушы позициясын қалайды.

«Мен де Брюйне емеспін, ол аңыз. Мен мұнда команданың жеңісіне үлес қосып, өз тарихымды жазу үшін келдім. Пеппен сөйлескенде, ол маған: ‘доп сенде болғанда — еркінсің’ деді. Бұл мен үшін өте маңызды, өйткені менің басты қасиетім — командаға көмектесу», — деді Шерки.

«Родридің мұнда «Алтын допты» жеңгенін көргенде — «Манчестер Ситиде» бәрі мүмкін екенін түсінесің. Мен жеңгім келеді және бұл клуб әр трофейді жеңуге ұмтылады деп ойлаймын», — деп қосты француз жартылай қорғаушы.