Лионель Месси соққан голдың көмегімен «Интер Майами» камбэк жасады

MLS турнирінің төртінші турында «Атланта Юнайтед» өз алаңында «Интер Майамиді» қабылады, деп хабарлайды Prosports.kz.

Кездесу Атлантадағы Mercedes-Benz стадионында өтіп, 2:1 есебімен қонақтардың пайдасына аяқталды.

Атланта сапында Эммануэль Латте Лат гол соқты (11-минут).

«Интер Майами» қатарынан аргентиналық шабуылшы Лионель Месси (20-шы) мен Фафа Пико (89-шы) мергендік танытты.

«Интер Майами» жеңісті сериясын үш матчқа дейін ұзартты.

Келесі турда «Атланта» Цинциннатимен, ал «Интер Майами» Филадельфия Юнионмен кездеседі. Екі кездесу де 22 наурызда өтеді.