Лидс Германия құрамасының шабуылшысымен келісімшартқа отырды

Ағылшын клубы Лидс Юнайтед шабуылшы Лукас Нмечаны қатарына қосты — футболшы 1 шілдеден бастап еркін агент ретінде командаға қосылады.

26 жастағы шабуылшы соңғы төрт жыл неміс Вольфсбургінде өнер көрсетті — осы уақыт ішінде ол 85 ойында 19 гол соқты. Нмеча мансабын Манчестер Ситиде бастап, Пеп Гвардиоланың жетекшілігімен Премьер-лигада дебют жасады.

Неміс футболшы Престон Норт Энд, Вольфсбург, Мидлсбро және Андерлехтте жалға алу құқығымен ойнап, 2021 жылы Бундеслигаға түпкілікті ауысты. Сол жылы ол Германия құрамасында дебют жасады — оның еншісінде ұлттық команда сапындағы жеті ойын бар.

Нмеча бас бапкер Даниэль Фаркенің жазғы алғашқы трансфері болды — келісімшарт екі жылға жасалды.