Леонид Тамбиев Қазақстан құрамасының бапкерлер штабына қосылды

Қазақстан хоккей құрамасының бапкерлер құрамы ресми түрде жарияланды. Бас бапкер қызметіне Олег Болякин тағайындалса, көмекшілері ретінде Леонид Тамбиев, Георгий Верещагин және Талғат Жайлауов жұмыс істейтін болды. Қақпашыларды Павел Бессонов жаттықтырады.

Леонид Тамбиев – қазақстандық хоккей жанкүйерлеріне жақсы таныс маман. Ол бірнеше маусым бойы Қарағандының «Сарыарқа» клубын жаттықтырып, командамен бірге Қазақстан чемпионатын және екі мәрте Жоғары хоккей лигасын (ЖХЛ) жеңіп алды. Бұған дейін Латвияның жасөспірімдер және жастар құрамаларында бапкерлік қызмет атқарған.

2021 жылдан бастап Тамбиев ҚХЛ-дағы «Адмирал» клубының бас бапкері болып қызмет атқарып келеді. Бұл командада Қазақстан құрамасының ойыншылары Аркадий Шестаков пен Леонид Метальников ойнайды.