Леннокс Льюис Усик пен Холифилдтің боксшылық қабілеттерін салыстырды

Аңызға айналған британдық боксшы Леннокс Льюис Александр Усик пен Эвандер Холифилд арасындағы болжамды жекпе-жек туралы өз көзқарасымен бөлісті, деп хабарлайды Boxing News.

«Екеуінің де бірегей боксшылық қабілеттері бар. Бұл әлемдегі ең үздік жекпе-жектердің бірі болар еді. Екеуінде де артықшылықтар бар, екеуінде де жақсы қорғаныс, аяқ жұмысы бар және екеуі де крузервейттен көтерілді», — деді Льюис.

Айта кетейік, украиндық чемпион Александр Усик — ауыр салмақтағы қазіргі абсолютті әлем чемпионы, ол биылғы шілдеде «Уэмбли» аренасында Даниэль Дюбуаға қарсы жекпе-жекте өз титулдарын қорғап қалды.