Лэмпард «Ковентридің» «Реал Бетиспен» тең ойынына қанағаттанды

Фрэнк Лэмпардтың жетекшілігіндегі «Ковентри Сити» испандық «Реал Бетиспен» жолдастық кездесу өткізіп, 1:1 есебімен тең түсті.

Бірінші таймда «аспан көк» команда атынан Джек Рудони есеп ашса, ауыстырудан кейін шыққан Пабло Гарсия таразы басын теңестірді. Ла Лига командасына қарсы ойында қақпашы Карл Рашворт ерекше көзге түсті.

«Ол тәжірибесі мол жас қақпашы. Ойлаймын, ол өзінің барлық жақсы қасиеттерін көрсетті», — деді Лэмпард BBC Radio CWR-ға берген сұхбатында.

«Мен ойыншыларды дамытып, оларға күшті қарсыластармен ойнағанда өздеріне сенімді болуға көмектескім келеді. Ойлаймын, біз бұған қол жеткіздік. Қазір нәтижеден гөрі ойын сапасы маңызды», — деп қосты «Ковентри» бапкері.

Келесі матчты команда өз алаңы CBS Arena-да алдағы сенбіде неміс «Санкт-Паули» командасымен өткізеді.