Ла Лига АҚШ-та алғашқы чемпионат матчын өткізуді жоспарлап отыр

Испания футбол федерациясы (RFEF) «Вильярреал» мен «Барселона» арасындағы Ла Лига матчын АҚШ-та өткізуді мақұлдады, деп хабарлайды RFEF.

Испания чемпионатының 17-ші тур кездесуі — бастапқыда «Эстадио де ла Керамика» стадионында 21 желтоқсанға жоспарланған — Майамидағы «Хард Рок Стэдиум» алаңында бір күн бұрын өтуі мүмкін.

Тарихи матчты өткізу үшін ФИФА мен УЕФА-ның мақұлдауы қажет — бұл еуропалық чемпионаттың құрлықтан тыс алғашқы ойыны болмақ.

Испанияның FASFE футбол жанкүйерлер қауымдастығы екі клубтың жанкүйерлер топтарымен бірге бұл бастамаға қарсы шықты.

«Біз бұл жоспарларға толық және қатаң қарсылығымызды білдіреміз және олар жүзеге асырылған жағдайда тиісті құқықтық шаралар қолданамыз»

Ла Лига матчтарын шетелде өткізу әрекеттері бұрын да болған — «Барселона» алты жыл бұрын «Жиронамен» Майамиде ойнауды жоспарлаған, бірақ федерация мен ойыншылар кәсіподағының қарсылығына тап болған.