L1ga Team Әбдімәлік Сайлауды қосалқы құрамға ауыстырды

Киберспорттық L1ga Team ұйымы Dota 2 құрамындағы өзгерістер туралы хабарлады — офлейнер Әбдімәлік «Malik» Сайлау команданың қосалқы құрамына ауыстырылды.

L1ga Team құрамында бес ай өнер көрсету барысында ойыншы The International және Riyadh Masters іріктеу турнирлеріне қатысты — команданың ең үздік жетістігі FISSURE Special турнирінде алған қола жүлдесі болды.

«Маликке бізбен бірге өткізген уақыты мен командаға қосқан үлесі үшін алғыс айтамыз. Біз ойыншының трансфері бойынша ұсыныстарды қарастыруға дайынбыз», — делінген ұйымның ресми мәлімдемесінде.

Негізгі құрамда Әбдімәлік Сайлаудың орнын басатын жаңа офлейнердің есімі әзірге жарияланған жоқ.