«Қызылжардың» бұрынғы ойыншысы молдовалық клубқа ауысты

«Қызылжардың» 27 жастағы бұрынғы шабуылшысы Алексей Щебетун Молдованың «Зимбру» командасына ауысты, деп хабарлайды Prosports.kz сайты клубтың баспасөз қызметіне сілтеме жасап.

«Зимбрудың» украиналық футболшымен келісімшарт мерзімі 2026 жылдың соңына дейін. Алексей Щебетун 2024 жылғы маусым алдында «Қызылжар» сапына қосылды. Петропавлдық команда сапында барлығы 25 кездесу өткізіп, 3 гол соқты.