КуПС еурокубоктардың топтық кезеңіне шыққан екінші фин клубы атанды

Финляндиялық КуПС клубы ХИК командасының тарихи жетістігін қайталады — еурокубоктардың топтық кезеңіне шықты, деп хабарлайды Shaiba.kz.

Еуропа Лигасының үшінші іріктеу кезеңінде Куопио қаласының командасы латвиялық РФШ-ты екі кездесу қорытындысы бойынша жеңді — сырт алаңда 2:1 есебімен және өз алаңында 1:0 есебімен жеңіске жетті.

Бұл нәтиже фин клубына команда тарихындағы жаңа межеге — кем дегенде Конференциялар Лигасының топтық кезеңіне қатысуға кепілдік берді.

Айта кетейік, бұған дейін КуПС Чемпиондар Лигасының екінші іріктеу кезеңінде алматылық «Қайратпен» кездескен — финдер алғашқы матчта 2:0 есебімен жеңіске жетті, алайда қарымта ойында 0:3 есебімен жеңіліп, турнирден шығып қалды.