Кудерметова мен Мертенс Римдегі жұптық турнирдің финалына шықты

Вероника Кудерметова мен Элиза Мертенс Римдегі жұптық турнирдің финалына өтті, деп хабарлайды Спортс.

Ресей-бельгиялық жұп — жартылай финалда австралиялық Эллен Перес пен Сторм Хантер жұбын 6:2, 6:2 есебімен сенімді жеңді.

Кудерметова мен Мертенс үшін бұл сегізінші бірлескен финал — екі апта бұрын теннисшілер Мадридте шешуші матчқа дейін жетіп, Анна Калинская мен Сорана Кырстеге жол берген.

Титул үшін жұп италиялық дуэтпен — Жасмин Паолини мен Сара Эрранимен кездеседі, олар бұған дейін Мирра Андреева мен Диана Шнайдерді турнирден шығарған.