Кучеров НХЛ көшін бастап тұр

«Тампа-Бэй Лайтнинг» шабуылшысы Никита Кучеров Ұлттық хоккей лигасындағы әсерлі көрсеткіштерімен жанкүйерлерді таңғалдыруын жалғастыруда. Ол «Флорида Пантерске» қарсы 5:1 есебімен аяқталған матчта бір гол соғып, бір нәтижелі пас беріп, тағы екі ұпай жинады.

Кучеров осы ойында қақпаға үш соққы бағыттап, +3 пайдалылық көрсеткішімен көзге түсті. Мұз үстінде өткізген уақыты — 15 минут 12 секунд.

Ағымдағы маусымда 77 матчта 121 (37+84) ұпай жинаған форвард НХЛ-дің бомбардирлер тізімінде жеке-дара көш бастап келеді. Оның басты қарсыласы, «Колорадо Эвеланш» шабуылшысы Нэтан Маккиннон бес ұпайға артта тұр. Үздік үштікті 106 ұпай жинаған «Эдмонтон Ойлерз» ойыншысы Леон Драйзайтль түйіндейді.

Никита Кучеровтің Hart Trophy иегері атануға басты үміткер екені сөзсіз.