Кристиан «Pakazs» Савина «Shopify Rebellion» құрамына қосылды

Liquipedia мәліметі бойынша перулік киберспортшы Кристиан «Pakazs» Савина Dota 2 бойынша «DreamLeague Season 25» турниріне «Shopify Rebellion» құрамында өнер көрсетеді.

Жаңартылған құрамда «Pakazs» офлейнер позициясын иеленеді. Бұл рөл командадан Марк «mangekyou» Харламов шамамен бір апта бұрын кеткеннен кейін бос қалған болатын. Қызығы, Савина бұған дейін де «Shopify Rebellion» командасында өнер көрсетіп, «Elite League Season 2» турнирінде стенд-ин ретінде керри рөлінде ойнаған.

«DreamLeague Season 25» турнирі 16 ақпаннан 2 наурызға дейін онлайн форматта өтеді. Жарысқа 16 команда қатысып, 1 миллион доллар жүлде қоры мен 20440 ESL Pro Tour ұпайын сарапқа салады. Турнирде командалар жоғары нәтижелерге қол жеткізу үшін барын салады, ал «Pakazs»-тың жаңа позицияда қалай өнер көрсететіні ерекше қызығушылық тудыруда.