Кристиан Эриксен жазда «Манчестер Юнайтедтен» кетпек

Жартылай қорғаушы Кристиан Эриксен «Манчестер Юнайтедтен» кетуге дайындалуда, оның келісімшарты осы жазда аяқталады.

33 жастағы дат футболшысы клубқа үш жылдай бұрын қосылып, «қызыл жындылар» сапында Премьер-лигада 66 матч өткізді, алайда ағымдағы маусымда алаңға тек 16 рет шықты.

«Мен клубтан ешқандай ұсыныс алған жоқпын, сондықтан ынтымақтастық аяқталады деп ойлаймын, мен мұны осылай түсінемін. Мен жаңа клуб іздеуге дайынмын және бұған қалыпты қараймын. Қайда ауысатынымды әлі шешкен жоқпын», — деді Эриксен.

«Аякста» мансабын бастап, «Тоттенхэмде» жеті жыл өнер көрсеткен футболшы ағылшын чемпионатында қалуды жоспарламайды.

«Мен АҚШ-қа бармаймын, біз ондай алысқа бармаймыз. Біз Еуропада қалғымыз келеді, бірақ Данияға оралу әлі ерте. Шетелде өнер көрсететін жақсы жылдарым әлі бар деп сезінемін», — деп қосты жартылай қорғаушы.