Криштиану Роналду клубтық әлем чемпионатына қатысудан бас тартты

Championat.com хабарлауынша, маусым айының соңында келісімшарты аяқталатын «Әл-Насрдың» шабуылшысы Криштиану Роналду алдағы клубтық әлем чемпионатына қатыспайтын болды.

Беделді турнир 15 маусым мен 13 шілде аралығында АҚШ-та өтеді — алайда португалдық жұлдыз барлық келген ұсыныстардан бас тартты.

«Клубтық әлем чемпионатына қатыспайтыным туралы шешім қабылданды десе де болады, көптеген шақырулар мен ұсыныстарға қарамастан. Келіссөздер, байланыстар болды… бірақ қысқа мерзімді, орта мерзімді және ұзақ мерзімді келешекті ойлау керек», — деді Роналду баспасөз мәслихатында.

Бұған дейін БАҚ-та 40 жастағы шабуылшыны турнирге қатысу үшін «Әл-Хиләл» клубына жалға алу мүмкіндігі туралы ақпарат тараған — алайда бұл жоспарлар жүзеге аспады.