Криштиану Роналду «Әл-Насрда» қалуға шешім қабылдады

Sport.ua мәліметінше, Криштиану Роналду Сауд Арабиясы чемпионатында «Әл-Наср» сапында ойнауын жалғастыруға бел буды. Танымал футбол инсайдері Фабрицио Романо португалдық жұлдыздың АҚШ-тың «Интер Майами» клубына ауысуы туралы тараған ақпаратты жоққа шығарды.

«„Интер Майами“ клубымен келіссөздер және Лионель Мессимен бірге ойнау мүмкіндігі туралы ақпарат — мүлде жалған. Роналду бұл клубпен ешқандай келіссөз жүргізген жоқ. „Әл-Наср“ үшін Криштиану төңірегінде команда құру маңызды — ол қазірдің өзінде жақсы, бірақ оған мықты ойыншылар қосу қажет», — деді Романо.

Биылғы маусымда Роналду тамаша нәтиже көрсетуде —

• 34 матчта 30 гол соқты

• 4 нәтижелі пас берді

Айта кетейік, футболшының «Әл-Насрмен» қазіргі келісімшарты маусым соңында аяқталады, бірақ ол клубта қалуға ниетті екенін білдірді.

Біздің парақшамыздан футбол матчтарының барлық нәтижелерін Live форматта бірінші болып біліңіз!