«Краснодар» «Динамоны» жеңіп, алғаш рет Ресей чемпионы атанды

Мурад Мусаев басқарған «Краснодар» футбол клубы клуб тарихындағы алғашқы чемпиондығын жеңіп алды — маусымның шешуші матчында «бұқалар» мәскеулік «Динамоны» 3:0 есебімен жеңді.

Краснодар клубы «Зениттен» бір ұпай артық жинап, алғаш рет ресейлік футболдың шыңына көтерілді. Жағдай өткен маусыммен салыстырғанда керісінше болды — сол кезде «Динамо» соңғы турда «Краснодардан» жеңіліп, чемпиондықтан айырылған еді.

«Бұл «Динамо» үшін принципті мәселе, шығып тістесеміз. «Зенит» жеңе берсін – бұл әдеттегідей», — деп мәлімдеді матч алдында мәскеуліктердің қорғаушысы Дмитрий Скопинцев.

«Әрине, қосымша мотивация бар. «Динамо» жеңіске дайындалып жатыр», — деп атап өтті ақ-көктердің жартылай қорғаушысы Даниил Фомин.

Алайда динамошылардың реванш алуға деген ұмтылысы көмектеспеді — «Краснодар» матчты сенімді түрде жеңіске жеткізіп, чемпиондық атағын жеңіп алды.