ҚПЛ матчтарында төрешілікке жаңа стандарттар енгізіледі

Қазақстан футбол федерациясы президентінің кеңесшісі Нұрсұлтан Құрман ҚПЛ матчтарындағы төрешілікке қатысты маңызды өзгерістер болатынын хабарлады. Жаңа ережелер УЕФА конференциясында әзірленуде.

Қазіргі уақытта Қазақстан атынан конференцияға ҚФФ төрешілік департаментінің директоры Нуну Каштру қатысуда. Іс-шараның басты мақсаты — төрешілер шешім қабылдау кезінде нақты әрі бірыңғай критерийлерді қолдануын қамтамасыз ету.

«Сары немесе қызыл карточка, не болмаса дисквалификация қашан берілетінін нақты түсіндіретін құжат 20-сына дейін дайын болады. Бұл стандарт барлық ҚПЛ клубтарына жолданады», — деді Құрман өзінің YouTube-арнасында.

Мұндай өзгерістердің қажеттілігін биылғы маусымдағы статистика дәлелдейді — сегіз турда төрешілер 12 қызыл карточка көрсеткен.