Қостанайлықтардың құрамында мықты ойыншылар көп, ал «Ұлытау» туралы бұлай айта алмаймыз – комментатор Димаш Төлегенов алдағы «Тобыл» – «Ұлытау» матчы жайлы

1 наурызда Қостанайда жергілікті «Тобыл» мен премьер-лига дебютанты – Жезқазғанның «Ұлытау» командасы үшін Қазақстан чемпионатының жаңа маусымы басталады. Әдетте өз алаңында үздік ойын көрсететін «Тобыл» біріншілікті сенімді жеңіспен бастауды жоспарлап отыр, ал қонақтар Қазақстан футболының элитасына бекер қосылмағанын дәлелдеуге тырысады.

Лигаға жаңадан келген команда бұл сынақтан өте ала ма? Қос команданың ойынынан не күтеміз? Спорт журналисі әрі комментатор Димаш Төлегенов Sport Pulse порталына өз ойымен бөлісті.

«Тобыл» үйде өте мықты, әсіресе «Тобыл Аренада», онда көптеген қарсыластар залдағы ойын жағдайына жылдам бейімделе алмайды. «Ұлытау» – премьер-лиганың дебютанты. Егер командаларды құрам, ойыншылар тәжірибесі мен қосалқы құрам тереңдігі тұрғысынан салыстырсақ, «Тобыл» сөзсіз фаворит. Қостанайлықтардың сапында бірқатар шебер ойыншылар бар, ал «Ұлытау» үшін бұл туралы айтуға әлі ерте. Әрине, олар бірнеше қазақстандық футболшы мен легионерлерді қатарына қосты, бірақ жоғары деңгейдегі ойын тәжірибесі әлі жеткіліксіз.

Сонымен қатар, «Тобыл» негізгі ойыншыларын – Эль-Месауди, Чесноков және басқа да көшбасшыларды сақтап қала алды, бұл оларға үлкен артықшылық береді. Менің ойымша, қожайындар сенімді жеңіске жетіп, үш ұпай алуы керек. Олар үшін маусымды сәтті бастау өте маңызды».

«Тобыл» – «Ұлытау» матчының тікелей көрсетілімі Qazsport арнасында 18:00-де басталады.

Бұған дейін Димаш Төлегенов «Ордабасы» – «Ақтөбе» матчы туралы ойымен бөліскен болатын.

Сурет sportplustv.kz сайтынан алынды.