Қос чемпион: Головкин мен Әлімханұлы кездесті

WBO және IBF нұсқалары бойынша орта салмақтағы әлем чемпионы, қазақстандық боксшы Жәнібек Әлімханұлы өзінің аты аңызға айналған отандасы Геннадий Головкинмен кездесті, деп хабарлайды Sport12.kz

«Бүгінгі жарқын кездесу», — деп жазды «Қазақ стилі» әлеуметтік желіде жариялаған суретте.

Чемпиондардың кездесуі Астанада, экс-әлем чемпионы Амир Ханның сапары қарсаңында өтті.

IBF және WBO әлем чемпионы Әлімханұлы (17-0, 12 КО) 5 сәуірде Астанада өткен он екі раундтық жекпе-жектің бесінші раундында франциялық Анауэль Нгамиссенге (14-1, 9 КО) нокаутқа түсірген болатын.

Геннадий Головкин соңғы жекпе-жегін 2022 жылдың қыркүйегінде Лас-Вегаста өткізіп, Сауль «Канело» Альвареспен трилогияның қорытынды айқасында жеңіліп қалған болатын. Осыдан кейін GGG чемпиондық белбеулерінен бас тартты, алайда мансабын ресми түрде аяқтайтынын жариялаған жоқ. Оның кәсіби рингтегі көрсеткіші – 45 жекпе-жек, 42 жеңіс (37 нокаут).